“પ્રામાણિકતા, પારદર્શકતા, પરસ્પર સહયોગ”ના સિદ્ધાંતોથી “બારોટ સમાજ બચત મંડળે” ચાર વર્ષ પુર્ણ કરી અને પાંચમાં વર્ષમાં મંગલમય પ્રવેશ કરેલ છે
“બારોટ સમાજ બચત મંડળ પરિવાર” ઉપરોક્ત આ કર્મ સિધ્ધાંતની એરણ ઉપર ઘડાઈને સફળ રીતે ચાર વર્ષ પુર્ણ કરી અને પાંચમાં વર્ષમાં મંગલમય પ્રારંભ કરેલ છે ત્યારે “બારોટ સમાજ બચત મંડળ” નો મંગલમય પ્રારંભ તારીખ 16/02/21 અને મંગળવાર, વસંતપંચમીના શુભદિવસે કરવામાં આવ્યો હતો. જેને તારીખ પ્રમાણે આજે ચાર વર્ષ પુર્ણ કરી અને પાંચમાં વર્ષમાં મંગલમય પ્રવેશ કરેલ છે તેને અનુલક્ષી તારીખ 16/02/25 રવિવારના રોજ બિલાડીબાગ મહેસાણા ખાતે સર્વ સભ્યોનો સ્નેહ મિલન સંમેલન કાર્યક્રમ રાખવામાં આવ્યો હતો.
મહેમાનો નું કંકુ તિલક, અક્ષત (ચોખા) થી અને પુષ્પગુચ્છ આપી સ્વાગત કરીને મોં મીઠું કરાવવામાં આવ્યું.
“બારોટ સમાજ બચત મંડળ” નો સ્નેહ મિલન સંમેલનના આમંત્રણ માન આપી પધારેલ સર્વે મહેમાનો નું કંકુ તિલક, અક્ષત (ચોખા) થી અને પુષ્પગુચ્છ આપી સ્વાગત કરીને મોં મીઠું કરાવી અને ઈન્દ્રજીત કાન્તિલાલ સોલંકી (ગામ ડોડીવાડા હાલ નવાવાડજ અમદાવાદ) અને નવીનકુમાર નટવરલાલ જાદવ (ગામ ગાંભું હાલ સાબરમતી અમદાવાદ) દ્વારા અભિવાદન કરવામા આવ્યું હતું. અને ત્યારબાદ આપણા બારોટ સમાજના લોકપ્રિય સાહિત્યકાર એવા શ્રી બાબુલભાઈ બારોટ દ્વારા બારોટ સમાજ બચત મંડળ વિશે તેમની પોતાની આગવી શૈલીમાં રજુઆત કરવામાં આવી હતી.
સમાજના વડીલો દ્વારા બચત મંડળના રજીસ્ટ્રેશન માટે માર્ગદર્શન આપવામાં આવ્યું.
“બારોટ સમાજ બચત મંડળ” : બારોટ સમાજ ના રિટાયર્ડ બેંક મેનેજર એવા શ્રી ચુનીલાલ બારોટ સાહેબ ગામ નાદરી અને પુંજાભાઈ હરીભાઈ તુરી (ભીખાભાઈ સાહેબ ગામ લાખવડ) અને કે. ડી. તુરી સાહેબ (ગામ ઉઝાં) દ્વારા બારોટ સમાજ બચત મંડળ ના ઉત્કર્ષ માટે અને આગામી બચત મંડળ ના રજીસ્ટ્રેશન માટે તેમના દ્વારા માર્ગદર્શન આપવામાં આવ્યું હતું. અને ત્યારબાદ સ્નેહ મિલન સંમેલન માં પધારેલ સર્વ સભ્યો અને મહેમાનો દ્વારા તેમના પોતાના જ શબ્દોમાં બારોટ સમાજ બચત મંડળની પ્રગતિ માટે જરૂરી માર્ગદર્શન આપી અને શુભેચ્છાઓ પાઠવી હતી.
રૂપિયામાથી રૂપિયો ઊભો કરીએ : કલ્પેશ બારોટ
બારોટ સમાજ બચત મંડળના આજના સ્નેહ મિલન કાર્યક્રમમાં ઉપસ્થિત બારોટ રત્ન ચેનલના નિર્માતા કલ્પેશભાઈ બારોટે એક સરસ મજાની વાત કરી કે આપણે સૌએ રૂપિયામાથી રૂપિયો ઊભો કરવાની જરૂર છે અને એ ત્યારે જ શક્ય છે જ્યારે સમાજમાં આવા બચત મંડળ ચાલતા હશે અને એથીય વિષેશ કે સમાજના મોટા ભાગના લોકો આવા બચત મંડળનો લાભ લેતા હશે. વધુમાં કલ્પેશભાઈ દ્વારા સમાજના લોકોને બચત મંડળના કાર્યો વિષે રૂપરેખા આપવામાં આવી અને વધુમાં વધુ લોકો આપણાં આ બચત મંડળનો લાભ લે તે માટે અપીલ કરવામાં આવી.
નવીનકુમાર નટવરલાલ જાદવ દ્વારા પધારેલ મહેમાનોનો આભાર વ્યક્ત કરવામાં આવ્યો.
“બારોટ સમાજ બચત મંડળ” : આમંત્રિત મહેમાનો અને દરેક સભ્યો ચા અને નાસ્તો કરી અને એકબીજાને આ સ્નેહ મિલન સંમેલનમા મળી અને ધન્યતા અનુભવી હતી અને આ ચા અને નાસ્તા ની વ્યવસ્થા માટે જીગરભાઈ મણિલાલ સોલંકી (ગામ શંખલપુર) અને હાર્દિકકુમાર જયંતિભાઈ બારોટ (ગામ ડોડીવાડા) અને તેમની ટીમ દ્વારા સેવાકીય સહયોગ આપવામાં આવ્યો હતો. અને ત્યારબાદ સ્નેહ મિલન સંમેલનમાં આમંત્રણને માન આપી પધારેલ મહેમાનો અને દરેક સભ્યોનો નવીનકુમાર નટવરલાલ જાદવે આભાર વ્યક્ત કર્યો હતો અને સ્નેહ મિલન સંમેલનનું સમાપન કરવામાં આવ્યું હતું.
બારોટ રત્ન ચેનલ દ્વારા લાઈવ પ્રસારણ કરવામાં આવ્યું હતું.
“બારોટ સમાજ બચત મંડળ” : વધુમાં આ પ્રસંગે બારોટ રત્ન યુ ટ્યુબ ચેનલ પરિવાર દ્વારા (કલ્પેશભાઈ બારોટ અને હીમાંશુભાઈ નાયક) આ સ્નેહ મિલન સંમેલન કાર્યક્રમનું લાઈવ વિડીયો કવરેજ કરવામાં આવ્યું હતું. અને અભિનવ જસવંતકુમાર બારોટ (ગામ ડોડીવાડા હાલ મહેસાણા) દ્વારા આ સ્નેહ મિલન સંમેલન કાર્યક્રમ ની ફોટોગ્રાફી કરવામાં આવી હતી.
બારોટ રત્ન નું સમાજને આહ્વાન : વધુમાં વધુ લોકો “બારોટ સમાજ બચત મંડળ” માં જોડાય.
બારોટ સમાજ બચત મંડળ માં જાન્યુઆરી 25 થી ડીસેમ્બર 26 એમ બે વર્ષ ની મુદત માટે અત્યારે 161 સભ્યો એ સ્વૈચ્છીક રીતે જોડાઈ ને રજીસ્ટ્રેશન કરાવેલ છે અને આ બધાજ સભ્યોના સહકાર પ્રાપ્તિની સાથે વડીલોના આશીર્વાદ થકી મંડળ કાર્યરત છે. સાથે જ બારોટ રત્ન દ્વારા પણ સમાજ બંધુઓને જણાવવામાં આવે છે કે આપણી તૂરી બારોટ સમાજમાં ચાલતું આ એક સામાજિક બચત મંડળ જેનો દરેક લોકો અવશ્ય લાભ લે અને વધુ માં વધુ લોકો જોડાય તો આગામી સમયમાં આપણું આ બચત મંડળ એક ક્રેડિટ કો.ઑ.બેન્ક માં નિર્માણ પામે જે સમાજ માટે ખરેખર ગૌરવની વાત કહી શકાય.
તૂરી બારોટ સમાજને લગતા તમામ સમાચાર આપ જાણી શકશો આપની આ barotratna.com ની વેબસાઇટ પર. તો આજે જ આપણી પોતાની વેબસાઇટ ને સબ્સ્ક્રાઈબ કરી લો અને તૂરી બારોટ સમાજને લગતા તમામ સમાચારોનો લાભ ઘરેબેઠા લો. ધન્યવાદ.
વધુ વાંચો ……..
માનવ સેવા ટ્રસ્ટ મહેસાણા દ્વારા આયોજિત તૃતીય તૂરી બારોટ સમાજનો સમૂહ લગ્નોસ્તવ – ૨૦૨૫ સુખરૂપ સંપન્ન